Вреќичка мраз од 2kg
Паковањето од 2kg е наменето за секојдневна употреба во домаќинствата и при секаков вид на домашни прослави и свечености .
Вреќичка мраз од 4kg
Паковањето од 4kg е наменето за кафулиња, пицерии, ресторани и друг вид на угостителски објекти кои редовно трошат поголеми количини на мраз.
Џамбо паковање 10kg + 1kg гратис
Џамбо паковањето е наменето за угостителски објекти кои се многу големи потрошувачи на мраз како и за оние кои сакаат да ладат поголемо количество на пијалоци во садови полни со мраз.
Мелен мраз за коктели
Мелениот мраз е наменет за правење на коктели и за нивна декорација
Овошен мраз
Овошниот мраз се всушност коцки мраз кои внатре содржат парче свежо овошје (лимон, портокал, јагода, киви и др.) Овој тип на мраз го изработуваме по нарачка чисто од вода и свежо овошје без никакви екстракти , прехранбени бои и сл. Погоден е за декорација на секаков вид на алкохолни и безалкохолни пијалоци
Ако се осврнеме назад кон минатото ќе видиме дека иако порано немало можност да се произведе мраз по вештачки пат луѓето не се откажувале од неговата употреба. Во Битола мраз се носело од познатите глечери во с. Ореово. Мештаните кршеле санти мраз од глечерите и натоварен на коњи и во буриња го носеле да го продаваат во градот. Топењето на мразот го спречувале користејќи го папратот како изолатор.
Мразот покрај во домаќинствата се користел и во разни занаетчиски дејности. И нашите претци „Браќата ПЕШКА“ кои биле сопственици на една од првите слаткарници на Балканот го користеле мразот за ладење на сладоледот и за разладување на пијалоците.
Од тука произлезе и идејата за започнување со производство и дистрибуција на мраз.
Започнавме со производство во Август 2001 год. Во почетокот мразот го призведувавме во домашни услови и во минимални количини. Со текот на времето побарувачката од страна на нашите коминтенти постојано растеше што резултираше со постојано зголемување на производството на мраз.
Со професионален однос и посветеност на работата го зголемивме призводствениот погон оформувајќи работинлница за професионално производство на мраз по сите стандарди и квалитети.
|
|
| ||||||
|
|
| ||||||
|
|
| ||||||
|
|
| ||||||
|
Процесот на производство се одвива со претходно микробиолошки и хемиски испитана вода.
Одобрение за производство на храна
Водата од водоводната инсталација најпрво поминува низ магнетен филтер кој спречува метали да навлезат во процесот. Потоа водата поминува низ мрежен филтер кој спречува навлегување на песок и бигор во процесот. Така исфилтрирана, водата влегува во софистицирана машина која ја замрзнува до температура од -25 oC формирајќи уникатни форми на мраз со тежина од по 28g.
Потврда за исправност на прехрамбен производ
Готовиот производ се складира во термички изолирани резервоари комплетно изработени од прохром во кои се исцедува. Така оформениот мраз потоа се „суши“ на температура од -20 oC, од исушениот мраз се селектираат скршениците и се пакува во специјална фолија издржлива на ниски температури.
Сертификат за амбалажата
Целокупниот процес на производство се изведува по нормите кои ги пропишува HACCP системот кој во целост го имаме имплементирано од почетокот на 2009 година .
Потврда за имплементиран HACCP систем